மாவட்ட ஆட்சியா் சுருக்கக்குறிப்பு

திருமதி. ஷில்பா பிரபாகர் சதீஷ், இ.ஆ.ப

Tmt.Shilpa Prabhakar Satish

திருமதி. ஷில்பா பிரபாகர் சதீஷ், இ.ஆ.ப அவர்கள் திருநெல்வேலி மாவட்டத்தின் 215வது மாவட்ட ஆட்சித்தலைவர் மற்றும் மாவட்ட நீதிபதி ஆவார். மேலும் இம் மாவட்டத்தின முதல் பெண் ஆட்சியர் என்ற பெருமைக்குரியவராவார். இவர் 2009-ஆம் ஆண்டைச் சேர்ந்த இந்திய ஆட்சிப் பணி அதிகாரியாவார். திருமதி. ஷில்பா பிரபாகர் சதீஷ், இ.ஆ.ப அவர்கள் பெங்களுரூ பல்கலைகழகத்தில் சட்டத்துறையில் (LLB) பட்டப்படிப்பினை பயின்றவர். மேலும் 2009 ஆம் ஆண்டு நடைபெற்ற அகில இந்திய குடிமைப் பணி தேர்வில் இந்திய அளவில் 46வது இடத்தை பெற்றவராவார். 2010 ஆண்டில் திருச்சிராப்பள்ளி மாவட்டத்தில் துணை ஆட்சியர் (பயிற்சி) ஆக இவரது பணி துவங்கியது. அதனைத் தொடர்ந்து சார்-ஆட்சியராக வேலூர் மாவட்டம் திருப்பத்தூர் கோட்டத்தில் 2011 ஆம் ஆண்டு முதல் 2014 ஆம் ஆண்டு வரை பணிபுரிந்துள்ளார். பின்பு ஓராண்டு காலம் சென்னை மாநகராட்சியில் துணை ஆணையாளராக (கல்வி) பணிபுரிந்துள்ளார். தமிழ்நாடு தொழில் வழிகாட்டி மற்றும் ஏற்றுமதி மேம்பாட்டு நிறுவனத்தின் நிர்வாகத் துணைத் தலைவராக 2017-ஆம் ஆண்டில் பணியமர்த்தப்பட்டார். இங்கு நமது மாநிலத்தில் தொழில் வளர்ச்சியை ஏற்படுத்தும் பொருட்டு தொழில் துவங்குவதற்கான நடைமுறைச் சிக்கல்களைக் களையும் நோக்கில் பல்வேறு தொழில்துறை சார்ந்த சீர்திருத்தளை மேற்கொண்டு தனது குழுவினர் மூலமாக அனைத்து துறைகளையும் ஒருங்கிணைத்து திறம்பட தனது பணியினைச் செய்தார். தமிழ் நாட்டில் தொழில் முதலீட்டினை மேம்படுத்தும் வகையில் இவர் உருவாக்கிய ஒற்றைச் சாளர முறையிலான (Single Window system) தொழில் வங்குவதற்கான நடைமுறைகள் தொழில்சாலைகள் உருவாவதை எளிமையாக்கியது. இந்த புதிய முறை பல்வேறு விதங்களில் நமது மாநிலத்திற்காக புதிய முதலீடுகளை ஈர்க்க உதவியது. இந்நிலையில் திருமதி. ஷில்பா பிரபாகர் சதீஷ், இ.ஆ.ப அவர்கள் 25-05-2018 அன்று திருநெல்வேலி மாவட்ட ஆட்சியராக பொறுப்பேற்றார்.